Sunday, November 15, 2009
Thursday, August 14, 2008
ههر جار که ههواڵێکی ئاوا دهبیسم، دیسان خۆم وهکوو کچه حهفده ساڵهکهی جاران دهبینمهوه. بهیانی تا ئێواره و ئێواره تا بهیانی دڵهخۆرپهی گریان له دڵم دا ههدادانی نهبوو. چاوهڕێی ههواڵێکی نوێ و دڵخۆشییهک بووم، ئهگهرچی دهمزانی بایهقوژی مهرگ له ههموو پهنا و پهسیوان خۆی حهشار داوه. مهوجهکانی ڕادۆ سپیهکهم دهگۆڕم، لهم وێستگه بۆ وێستگهکهی تر. چاوهڕێی ههواڵێکم له دهرهوه، بهڵکو کهسێک ههواڵێک بێنێ. له سهر ڕادۆ نامهی کچێکی پازده ساڵهی ئاوارهی ئوردووگای ڕۆمادیه دهخوێندرێتهوه، به کوردییهکی پهتی ئازارهکانی هێناوهته زمان: چاوهکانی له ئاسۆ بڕیوه و هیواکانی لهم دهشته کاکی به کاکیه وێڵ و سهرگهردانن. ئهو ڕادۆیه تهنیا دهنگێک بوو که دهمتوانی گوێم لهو قسانه بێ که خهڵک نهیاندهوێرا له لای یهک بیڵێن، بڤهیهک ئهگهرباسی کهی سهرت تێدا دهچێ. ههواڵم بۆ دێت، دهڵێن پۆلێ پێشمهرگه بیندراون، دهبێ دهرباز بووبن. بهڵکو دیسان دهرباز بن! بڵێی دیسان دهرباز بن! پرسیارێک زوو زوو زوو زوو له خۆمم دهکرد. ههموو جارێ بیرم دهکردهوه، خۆم دهپێچمهوه و خۆمیان له گهڵ دهخهم، بهڵام دیسان له جێی خۆم دهنیشتمهوه، گوێ له ڕادۆ و چاو له درگا.
پۆلێ پێشمهرگه! پێشمهرگه! وشهیهکی چهنده پیرۆز بوو به لای منهوه. چهنده شانازیم دهکرد. بڵێی ئهو جارهش دهرباز بن! نهمدهزانی که هیچ شتێک له گیانی پێشمهرگه ههرزانتر نیه. نهمدهزانی که سهرۆکهکانیان به مردنیان ناو و ناوبانگ دهردهکهن. له دنیای ئهوڕۆ دا، له دنیای ئینتێرنێت و تهلیفون و تلیزۆن دا له سهر ڕهوتی پێشوو بۆ کاری "تهبلیغی" گیانی پێشمهرگه ههرزان فرۆش دهکهن. پێشمهرگهش کوڕی سهرۆکهکان نیه، ههر کوڕه ههژاره، ئهوانهی گیانیان و ژیانیان بهختی ڕێبازێک کردوه. ئهو توێژه خهباتگێڕ و خاوهن بڕوایهش تهواو دهکهن و وێنهکانیان کتێبی پێشمهرگه شههیدهکان ئهستوورتر دهکات و شانازی حیزبیان زۆرتر.
قێزم دێتهوه لهوانهی له دهرهوهی وڵات باسی کوردایهتی دهکهن و وشهی پێشمهرگه به سووکی و به هاسانی دێننه سهر زمان و شووشهی ویسکیهکهیان به دوای دا خاڵی دهکهن. ئهوهی باوهڕی به کوردستانێکی ئازاد بێ، به شوێن پله و پایه دا نیه، پێشمهرگهیهکه سهر له پێناو خاک و وڵاتی. ئهوانهی هیچیان له باران دا نیه و خاوهن باوهڕ نین، به شوێن ههلێک دان بۆ قۆزتنهوهی دهسهڵات. نه ڕێباز دیاره و نه باوهڕ.
ئهگهر ئهو جارهش دهرباز بن، ئهگهر ئهو جارهش دهرباز بن، ئهگهر وهدهست جاشهکان نهکهون، ئهگهر خهڵک پهنایان دهن، ئهگهر ئهو جارهش دهرباز بن!
Thursday, March 20, 2008
Saturday, March 15, 2008
له بهر ههموو ئهو ڕۆژانهی ژیاوم و دانه دانه ئهو ههنگاوانهی بهرهو پێش چووم و کهوتووم و ههستاومهوه و له بهر ههموو ئهو چهند دان و نهخته ڕۆژانهی که ماون بژیم و ئهو ههنگاوانهی دهبێ ههڵیان بێنمهوه، ئهو ترسهی که جار و بار دههات و دهیترساندم، ترساندوومه؛ ئهو ترسهی که پڕی دهکردم له ترس و وای لێدهکردم چیدی خۆم نهبینم و چاوم پڕ بن له دهوروبهرم و ئهوبهرتریش، ورد و خاشم کردوه؛ ئهو ترسهی که مێشکمی پڕدهکرد لهو مانایانهی هی خۆم نین، خنکاندوومه.
ئهگهرچی له نێوان شهش میلیارد حهشیمهتی سهر عهرز ڕهنگه وهکوو خاڵێکیش بهرچاو نهیهم، بهڵام ههر له بهر مانهوه له نێو ئهو شهش میلیارد خهڵکهی به ههزاران و سهدههزاران گرێ پووچکه له ژیانیان دا ههیه و منیش خۆم به شهریکه بهش دهزانم، جارێ دهمهوێ بمێنمهوه و ڕێبوارێکی ناو یهكێک لهم چیرۆکانه بم، چون دهستهویهخه بوون له گهڵ گرێپووچکهکان به ڕهوتی ژیان دهزانم.
ئهو کێشانهی ههموو ڕۆژێ ههر کوردێک بهرهوڕوویان دهبێتهوه و دهمانههژێنێنن و سڕمان دهکهن و تووڕهمان دهکهن و فڕیمان دهدهنه نێو ههواڵ و ڕووداوه دڵتهزێنهکانی ڕۆژ و له پاشان له قونیچکێک له گهڵ بیرهکانی خۆمان دا بێدهرهتان جێمان دههێلێن و به تووندی وامان لێدهکهن به شوێن چارهسهرهییهک دابین یان نا باشترین چارهسهر بببینینهوه، ئهگهر چارهسهرهییهک مابێ، وام لێدهکا له بهر ئهو چهند دانه ڕۆژانهی که ماون بۆ بینینهوهی ئهم چارهسهرییه ههوڵ بدهم.
ههر شتێک که نێوی دهنێی، نێوی بنێ، بهڵام ناتوانم حاشای بوونی خۆم و خۆت و ئهو و ئهوهی دیکه بکهم. ناتوانم تهنانهت لهو چهند ڕۆژانهی که هیچمان نازانین چهندهن، له بهر تاقنهکهوتن له نێوان شهش میلیارد حهشیمهتی سهر عهرز ناسنامهکهمان بسڕمهوه و بهڵگهی یهکبوون له گهڵ یهكێ له خهڵکانی ئهو شهش میلیارد حهشیمهته مۆر بکهم. ناتوانم بۆنی جیاوازی خاک و خۆڵی کوردهواری له گهڵ کهلهپوورێکی جیاواز ئاوێته بکهم و خۆم بسڕمهوه و ئهوان دهوڵهمهند بکهم. ناتوانین و نابێ تهنانهت له بهر ئهو چهند دان و نهخته ڕۆژانهی که ماویشن، ڕهسهنایهتیمان بشۆینهوه و جارێکی دی ویژدانمان له بهرابهر ئهو ئازار و چهوسانهوانه له خهو بکهین و ژیانی پڕ له خۆشاردنهوه ههڵبژێرین.
بایهخهکان له من و تۆ دا ڕیشهیان ههیه و ڕهسهنایهتی من و تۆ دهپارێزن. ئهگهرچی هێندێک له ههوڵی بێبایهخ کردنی بایهخهکانن، بهڵام ڕاستی ڕێی خۆی ون ناکا و له نێو مێشک و بیری کهسانێکهوه سهرههڵدهدا که له ماناکان تێگهیشتوون و بوونهته پارێزهری ڕهسانایهتی من و تۆ. جا که وایه ههر له بهر بایهخهکان و ئهو ڕاستیانهی من و تۆ دهنووسنهوه، لهو چهند دانه ڕۆژانهی که ماون، ههوڵی تێگهیشتن له ماناکان دهدهم.
Tuesday, January 15, 2008
Friday, January 11, 2008
له گهڵ یاساکانی دنیاکهی من و تۆ تهواو جیاوازی ههیه. نه ترس ههیه و نه یاسای یاساغ. وهکوو دنیاکهی ئێمه نیه که بۆ وڵامی زۆربهی پرسیارهکان یان دهبێ لهمپهرێکی ههتاههتاییت له سهر ڕێ بێ یان سهرت له دیوار بکوترێ، یان ئهوهی که دهبێ قهبووڵی هێندێ نهزانی و دواکهوتوویی بکهی، چون نهریته، دابه، مهزههبه. ئهگهرچی من وهکوو منی تاک قهت چۆکیان بۆ دانادهم.
دنیایهکی تهواو جیاوازه. ههموو شتێک دهتوانی به چاو ببینی. پرسیارهکان به وڵامی جیاواز تاقی بکهیهوه و هیچ شتێک قهدهغه نیه، هیچ شتێک پیرۆز نیه. گرنگی شتهکان ههموو وهک یهکه، ههموو له پاڵ یهک بۆ ههڵسووران و ههبوونی من و تۆ لهگهڕدان. دهتوانی وڵامی ههموو پرسیارهکان ببینیهوه، ئهگهر کلیلی نهێنیهکان به کهڵک وهرگرتن له زانیاریهکانت ببینیهوه. لێره نه پێکهێنهرێک ههیه و نه پهیام هێنهرێک. تۆ دهتوانی بهرپرچی قسهی من بدهیهوه، ئهگهر بهڵگهکانی تۆ بۆ سهلماندنی یاسایهک بههێزتر و زانستیتر بێ. منیش دهتوانم ههر بهو پێیه بهرپرچی قسهی تۆ بدهمهوه. دهتوانین بهرپرچی بهرههمه زانیستیهکانی کهسانی چهند سهد ساڵ پێش خۆشمان بدهینهوه، چون مهبهست تهنیا بهرهوپێش چوون و سڕینهوهی ههڵهکان و دوودڵیهکانه، مهبهست پیرۆزی مرۆڤی تایبهت نیه، مهبهست بوونی مرۆڤه به گشتی.
ئهو دهمانهی له سهر DNA کار دهکهم، زۆر شت به لامهوه بێمانا دهبن و زۆر شتیش مانا به خۆیانهوه دهگرن. سهرهکی ترین و گرنگترین بهش له بوونی مرۆڤ، سهرچاوهی تایبهتمهندیهکانی مرۆڤ که ههڵگری ههموو زانیاریه تایبهتیهکانی من و تۆ وهک مرۆڤه، دهتوانم به چاو بیبینم. دهتوانم دابهشبوونهکهی و بهشه جیاوازهکانی لێکدهمهوه. دهتوانم پرسیارهکانم به دهیان جۆر تاقی بکهمهوه و وڵامی ڕاست ههڵبژێرم. ههر بۆیه پێم وانیه شتێک ههبێ له دنیا دا که به بێ وڵام بمێنێتهوه. بۆ ههموو پرسیارهکان وڵامێک ههر ههیه، وڵامێک که بتوانێ بیری تینووی من و تۆ ڕازی بکات. جا ئهو پرسیاره دهتوانێ تهنانهت گهورهترین گرێ پووچکهی ژیان یان گهورهترین بڤهش بێ، بهڵام ههر به بێوڵام نیه.
Tuesday, January 01, 2008
له سهر باڵکۆنهوه سهیری بهفرهکه دهکهم، ههست پێدهکهم ئهو سهرمایه زیندووم دهکاتهوه. ههڵدهلهرزم، ههڵلهرزینێک که بۆته هۆی به سهرکردنهوهی ههندێ بیرهوهری شهوانی زستان. یهک شت زۆر تووڕهم دهکا، خێرا تێپهڕبوونی کات و کهم تهمهن بوونی مرۆڤ. لهوه دهچێ تهمهنی مرۆڤ و بهفر وهکوو یهک بچن. بهفر چهنده به خێرایی دهتوێتهوه، تهمهنی مرۆڤیش ئاوا به خێرایی تێدهپهڕێ. بۆی ههیه وهشوێن ئهوه بکهوم چارهیهک بۆ پیری و تهمهن کورتی ببینمهوه. ئهگهرچی خهڵکی ئوروپایی و ئهمریکی تهمهن درێژن، بهڵام تهمهن درێژی ئاوا له گهڵ پیریهک که تهواو له کارت دهخات و پهککهوته و بێدهسههڵات دهبی، هیچ خۆش نیه.